ന്യൂഡൽഹി : മധ്യപ്രദേശ് ഗവർണർ ലാൽ ജി ടണ്ഠൻ അന്തരിച്ചു.
ഗുരതരാവസ്ഥയിൽ ലഖ്നൗവിലെ
മേദാന്ത ആശുപത്രിയിൽ വെന്റിലേറ്ററിൽ
കഴിയുകയായിരുന്നു.
ശ്വാസകോശ പ്രശ്നങ്ങളും മൂത്രതടസ്സവും
കാരണം ജൂൺ 11-നാണ് അദ്ദേഹത്തെ
ആശുപത്രിയിൽ പ്രവേശിപ്പിച്ചത്. ഇതിനിടെ
കഴിഞ്ഞ ദിവസമാണ് ആന്തരിക
രക്തസ്രാവമുണ്ടായി നിലവഷളായത്.
യുപി രാഷ്ട്രീയത്തിൽ ബിജെപിയുടെ പ്രധാന നേതാക്കളിൽ ഒരാളായ ലാൽജി ടണ്ഠൻ കല്യാൺ സിങ്, മായാവതി മന്ത്രിസഭകളിൽ മന്ത്രിയായിട്ടുണ്ട്.
ബിഹാർ ഗവർണറായും സേവനമനുഷ്ടിച്ചിട്ടുണ്ട്. 2003-2007
കാലഘട്ടത്തിൽ യുപി നിയമസഭയിൽ
പ്രതിപക്ഷനേതാവുമായിരുന്നു. 2009-ൽ
ലഖ്നൗവിൽ നിന്ന് ലോക്സഭയിലേക്ക്
തിരഞ്ഞെടുക്കപ്പെട്ടിട്ടുണ്ട്.
